Noticia |
O CONSELLO DA XUNTA ADXUDICA 20 LICENZAS PARA TELEVISIÓNS PRIVADAS DE ÁMBITO LOCAL
26 DE DECEMBRO DE 2014
Quedaron vacantes seis das 26 licenzas que saíron a concurso en xuño deste ano
As adxudicatarias acreditaron experiencia e solvencia, ademais de garantir que dispoñen de medios para a explotación da licenza
Os criterios de adxudicación valoraron o compromiso de emitir en galego por riba do limiar legal, o fomento do emprego e a viabilidade económica
O Consello da Xunta aprobou hoxe a adxudicación de 20 licenzas de emisión para televisións privadas de ámbito local. Resólvese así un concurso que foi convocado en xuño deste ano e ao que se presentaron 41 ofertas por parte de 15 empresas para cubrir as 26 licenzas dispoñibles. Finalmente, seis delas quedaron vacantes, concretamente, nas Pontes, Chantada, Vilalba, Viveiro, O Barco e Verín.
Os criterios mínimos que se tiveron en conta para a adxudicación, segundo o establecido na Lei 7/2010, xeral da comunicación audiovisual, son a súa solvencia e os medios de que dispoñen para explotar a licenza. Valorouse asimesmo o compromiso de emitir en galego por riba do limiar mínimo fixado pola lexislación, a viabilidade económica do proxecto, as súas características técnicas, de emisión e de programación, así como o fomento do emprego. Outro aspecto a valorar foi o compromiso de non transmitir a licenza durante un período de tempo superior ao mínimo de dous anos que establece a mencionada lei.
Complétase así o proceso que comezou en 2005, cando saíron a concurso as 63 licenzas de prestación de servizos de comunicación audiovisual televisiva de titularidade privada e ámbito local de que dispón Galicia. As 26 licenzas convocadas en 2014 corresponden ás 17 que quedaron vacantes en 2006, ás que se engaden outras 5 anuladas no seu día, así como 4 concesións de 2006 ás que renunciaron as empresas concesionarias.
Agora, as 20 adxudicatarias teñen seis meses para presentar o seu proxecto técnico, que será revisado pola Administración para verificar que se cumpren todos os requisitos. Unha vez obtido o visto e prace da Xunta, a empresa dispón de 12 meses para desenvolver o proxecto coa execución das obras correspondentes e comezar as emisións. As licenzas outórganse por un período de quince anos, sen prexuízo das posibles renovacións ás que fai referencia a Lei xeral da comunicación audiovisual.
DEMARCACIÓN |
ÁMBITO |
ADXUDICATARIA |
Carballo |
Carballo, A Laracha, Coristanco, Malpica de Bergantiños, Ponteceso, Cabana de Bergantiños e Laxe |
LICENZA 1: ONDA HIT S.L. |
Ferrol |
Ferrol, Narón, Fene, Valdoviño, Neda, Mugardos, Ares e San Sadurniño |
LICENZA 1: GUNTIÑAS NUÑEZ LUIS 000504295M-SLNE |
Vimianzo |
Vimianzo, Cee, Camariñas, Muxía, Zas, Fisterra, Dumbría e Corcubión |
LICENZA 2: ANTONIO JORGE CAMPOS |
LICENZA 3: AUDIOVISUALES SOGAVI S.L.U. |
As Pontes de García Rodríguez |
As Pontes de García Rodríguez, Pontedeume, Cabanas, Monfero, A Capela e Muras |
LICENZA 1: AUDIOVISUALES SOGAVI S.L.U. |
LICENZA 2: CANAL 26 TV CARBALLIÑO |
LICENZA 3: DESERTA |
Chantada |
Chantada, Taboada e Carballedo |
LICENZA 2: MATERIALES ELECTRICOS DISGETEC S.L. |
LICENZA 3: DESERTO |
Monforte de Lemos |
Monforte de Lemos, O Saviñao, Pantón, Sober, A Pobra do Brollón e Bóveda |
LICENZA 1: MATERIALES ELECTRICOS DISGETEC S.L. |
Vilalba |
Vilalba, Guitiriz, Castro de Rei, Cospeito, A Pastoriza, Begonte, Abadín e Xermade |
LICENZA 1: AUDIOVISUALES SOGAVI S.L.U. |
LICENZA 3: DESERTA |
Viveiro |
Viveiro, Foz, Ribadeo, Burela, Cervo, Xove e Barreiros |
LICENZA 2: MATERIALES ELECTRICOS DISGETEC S.L. |
LICENZA 3: DESERTA |
O Barco de Valdeorras |
O Barco de Valdeorras, A Rúa, Vilamartín de Valdeorras, Carballeda de Valdeorras, Rubiá, A Veiga, O Bolo e Petín |
LICENZA 2: MATERIALES ELECTRICOS DISGETC S.L. |
LICENZA 3: DESERTA |
O Carballiño |
O Carballiño, Boborás, Maside, San Cristovo de Cea, O Irixo, Piñor, Beariz e San Amaro |
LICENZA 2: MATERIALES ELECTRICOS DISGETEC S.L. |
LICENZA 3: CANAL 26 TV CARBALLIÑO |
Verín |
Verín, Monterrei, Vilardevós, Cualedro, Riós, Oímbra, Laza e Castrelo do Val |
LICENZA 2: MATERIALES ELECTRICOS DISGETEC S.L. |
LICENZA 3: DESERTA |
Ponteareas |
Ponteareas, Tui, Salvaterra de Miño, Mondariz e As Neves |
LICENZA 3: EUROREXIÓN SINERXIA S.L. |
Pontevedra |
Pontevedra, Marín, Poio, Ponte Caldelas, Vilaboa e Cotobade |
LICENZA 1: UNION DE TELEVISIONES GALLEGAS S.A. |
LICENZA 2: TELEVISIÓN MANCOMUNIDADE DO SALNÉS S.L. |
LICENZA 3: VIGO RTV DIGITAL LOCAL S.L.U. |
Vilagarcía de Arousa |
Vilagarcía de Arousa, A Estrada, Sanxenxo, Cambados, O Grove, Vilanova de Arousa e Caldas de Reis |
LICENZA 2: VIGO RTV DIGITAL LOCAL S.L.U. |
LICENZA 3: LIDIA NODAR SUAREZ |
|